Torfi H. Tulinius. Guðs lög í ævi og verkum Snorra Sturlusonar

• Author: Torfi H. Tulinius
• Title: Guðs lög í ævi og verkum Snorra Sturlusonar
• Published in: Ný saga 8
• Year: 1996
• Pages: 31-40
• E-text:
• Reference: Torfi H. Tulinius. "Guðs lög í ævi og verkum Snorra Sturlusonar." Ný saga 8 (1996): 31–40.

---

• Key words: history, law, authorship (sagnfræði, lögfræði, höfundur)

Lýsing

Greinin fjallar um möguleg áhrif kanónísks réttar á tvö verk sem eignuð eru Snorra Sturlusyni, Ólafs sögu og Egils sögu. Kanónískur réttur eða guðs lög voru þær lagasetningar sem komu frá páfanum í Róm og voru augljóslega þekkt á Íslandi bæði af leikmönnum og klerkum og voru mörg hver sett í landslög, m.a. í lögsögumannstíð Snorra. Sem dæmi um skilning Snorra á guðs lögum tekur Torfi frásögnina af brúðarráni Björns, föður Ásgerðar, í Egils sögu sem veldur síðar deilum Egils við Eirík blóðöx. Öll sú atburðarflétta telur Torfi að hafi verið samin með hliðsjón af vissu ákvæði guðs laga sem hafi verið tilefni átaka milli kirkju og höfðingja á svipuðum tíma og sagan var rituð. Hugtakið legitimatio per subsequens parentum coniugium í kanónískum rétti felst í því að börn sem fædd eru utan hjónabands öðlist sama rétt til arfs og skilgetin börn eftir giftingu foreldra þeirra. Torfi bendir einnig á að samkvæmt öðrum guðslögum sem einnig voru tekin inn í Grágás hafi hjónaband Egils og Ásgerðar ekki verið leyfilegt þar sem bannað sé að eiga konu sem bræðrungur eða nánari hafði áður átt. Það varpi nýju ljósi á samtal Egils og Arinbjarnar þar sem Egill þorir ekki að segja vini sínum að hann vilji ganga að eiga ekkju bróður síns. Það sem túlkað hefur verið sem feimni Egils gæti fremur verið blygðun, en Egill er búinn að láta prímsignast þegar þarna er komið við sögu. Því gilda kristin lög um Egil á þessu stigi.

Links

• Written by: Álfdís Þorleifsdóttir
• English translation: